Битарты Вячеслав фембæлд Сбербанчы Цæгатирыстойнаг хайады разамонæг Амиран Левитскиимæ

Цæгат Ирыстон Сбербанкимæ æмгуыстады фæлгæты кусы нымæцон экономикæйы райрæзтыл. Иумæйаг куыстыл ныхас кодтой Битарты Вячеслав æмæ Сбербанчы цæгатирыстойнаг хайады разамонæг Амиран Левитский. Республикæйы сæргълæууæг куыд фæнысан кодта, афтæмæй Цæгат Ирыстоны экономикæйы алы къабæзты Сбербанк у сæйраг æмархайæг. Иумæйагæй бантысы финансон æмæ нымæцон нысантæ сæххæст кæнын. Уыимæ ма банк стыр æххуыс бакодта амалхъомадæн æмæ цæрджытæн пандемийӕйы рæстæг. Зæгъæм, фарон республикæйы амалхъом адæмæн кредиттæ радтой 8 миллиард сомы бæрц. Уыимæ ма, æххуысы программæтæм гæсгæ, паддзахад фæкастис 160 куыстуатмæ. 2020-æм азы стырдæр проектыл банымадтой Æрхонкæйы дыргътæ æвæрæны арæзтад. Цæуы дзы 50 мин тоннæйы. Йæ аргъ у 3 миллиард сомæй фылдæр. Зæгъын ма хъæуы уый, æмæ 2 мин бинонтæ та ипотекæйы руаджы фæхуыздæр кодтой сæ цæрæн уавæртæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv