Цæгат Ирыстоны ацыд, йе 'нæниздзинад хъыгдард кæмæн у, уыцы сывæллæтты 'хсæн æркаст

«Нарты кадджытæ», зæгъгæ æркаст ацыд Евгений Вахтанговы номыл Уырыссаг Театры. Архайдтой дзы йе 'нæниздзинад хъыгдард кæмæн у, уыцы сывæллæттæ. Конкурс аразæг - реабелитацион центр «Алани». Мадзал къухы бафтыд президенты гранты фæрцы. Йæ сæйраг нысан - йе 'нæниздзинад цудыд кæмæн æййафы, ахæм сабитæн фадат раттын сфæлдыстады хи бафæлварынæнæн, уыимæ ма ирон культурæмæ æмхиц кæнын. Æркасты архайдтой аивадон къордтæ «Нарты», «Сарматы», «Дети гор», «Скифы» æмæ «Аланы». Театры бæстыхайы фæсивæд равдыстой сæ арæхстдзинад ирон кафт, зард, нывкæнынад æмæ Нарты Кадджытæй скъуыддзæгтæй. Программæ уыд цымыдисаг «Ацæмæз йæ уадындз»- имæ, Уырызмæг, Сырдон æмæ Нарты кадджыты æндæр хъайтартимæ баст равдыстытæ. Сывæллæтты курдиатæн аргъ скодтой кадджын жюри, уыдоны хсæн Туаты Теминæ, Хабæты Риммæ æмæ Æбиты Валерий. Кады гæххæттытæй æмæ зæрдылдарæн лæвæрттæй схорзæхджын кодтой æппæт сывæллæтты дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv