Ног фелсырон пункт тагъд рæстæджы байгом уыдзæн Мæздæджы районы

Ног фелсырон пункт тагъд рæстæджы байгом уыдзæн Мæздæджы районы. Уый тыххæй фехъусын кодта Мæздæджы районы центрон рынчындоны сæйраг дохтыр Бузойты Азæмæт. Бæстыхай ифтонггонд æрцæудзæн нырыккон кусæнгæрзтæй, фæзындзæн дзы гинекологон æмæ процедурон кабинеттæ. Ныронг Садовый поселокы цæрджытæ се ’нæниздзинад фæхуыздæр кæнынмæ цыдысты Мæздæджы поликлиникæмæ. Æдæппæтæй районы афæдзы кæронмæ национ проект «Здравоохранение»-йы фæлгæты фæнд кæнынц байгом кæнын 16 ног фелсырон-акушерон пункты. Бузойты Азæмæт, Мæздæджы центрон рынчындоны сæйраг дохтыр: «Садовый поселокы фелсырон пункты тыххæй куы дзурæм, уæд, зæгъын хъæуы уый, æмæ куыстытæ кæронмæ фæхæццæ кæнынц. Рухсдæттæн ресурстæ аразынц, мидæггаг куыстытæ фесты конд. 318 адæймагæн ам кæндзысты медицинон æххуыс. Мæздæджы поликлиникæмæ сæ цæуын нал хъæудзæн». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv