Цæгат Ирыстоны медицинон колледжы фондз студенткæйы конкурсы фæлгæты равдыстой сæ арæхстдзинад

Цæгат Ирыстоны медицинон колледжы фондз студенткæйы бацархайдтой профессионалон арæхстдзинад æвдисæн конкурс «Моя профессия - медицинская сестра»-йы. Æркасты фæлгæты архайджытæ хъуамæ бакуыстаиккой тестытимæ, презентацийы хуызы сæхи хъуамæ бацамыдтаиккой, уыимæ ма хъуамæ раргом кодтаиккой, медицинон хойы хæстæ куыд хорз зонынц, уый. Суинаг медиктæ радзырдтой, пандемийæйы рæтæг куыд куыстой, уый тыххæй. Нæ басусæг кодтой, медицинæйы фæндагыл цæугæйæ адæймагæн афойнадыл баххуыс кæнын сæйрагдæр кæй у, уый. Кæронбæттæны конкурсы архайджыты схорзæхджын кодтой кады гæххæттытæй æмæ зæрдылдарæн лæвæрттæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv