Паддзахадон автоинспекцийы кусджытæ Горæтгæрон районы рацыдысты радон рейды

Паддзахадон автоинспекцийы кусджытæ Горæтгæрон районы рацыдысты радон рейды. Ацы хатт сарæзтой акци «Нетрезвый водитель», зæгъгæ. Йæ аразджыты `хсæн Мидхъуыддæгты министрады Горæтгæроны районы æхсæнадон советы уæнгтæ дæр. Фæндаггон фыдбылызтæ арæх æрцæуынц нозтджын шофырты аххосæй. Цæмæй ахæм æвирхъау цауты нымæц къаддæр кæна, ууыл архайынц паддзахадон автоинспекцийы кусджытæ. Сидынц адæммæ, цæмæй хъуыддагмæ куыдфæндыйы цæстæй ма кæсой. Нозтджынæй хæдтулгæ скъæргæ кæй æрцахсой, уыдон 30 мин сомы ивар бафиддзысты. Дыккаг хатт закъоны сæрты чи ахиза, уыдонмæ та æнхъæлмæ кæсы уголовон бæрнондзинад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv