Æнæнхъæлæджы уавæрты министрады цæуы сæрмагонд конкурс. Сбæрæг дзы кæндзысты хуыздæр ирвæзынгæнæн къордтæ. Архайынц дзы 70 адæймагæй фылдæр - сты зынгхуыссынгæнæн хайады уæнгтæ. Ерыстæ арæзт æрцæудзысты 3 къæпхæнæй. 17 командæйы дзы равдисдзысты сæ зонындзинæдтæ æмæ арæхстдзинад медицинон æмæ психологон æххуыс бакæныны хъуыддаджы. Зынгхуыссынгæнджытæ ныридæгæн ацыдысты цæлхдуртимæ ерыс, æрхъуыдыгонд цаумæ гæсгæ дзы хъуыд адæмы зынгсирвæзт кæм æрцыд, ахæм бæстыхайæ фервæзын кæнын.