«Внимание дети», зæгъгæ, профилактикон акци цæуы Дзæуджыхъæуы

«Внимание дети», зæгъгæ, профилактикон акци цæуы Дзæуджыхъæуы. Мадзалы сæйраг нысан сывæллæтты архайдимæ фæндаггон фыдбылызыты нымæц фæкъаддæр кæнын. Сæрдыгон рæстæг сабиты бахъахъхъæнын Паддзахадон автоинспекцийы кусджытæ нымайынц сæ сæйраг хæсыл. Транспортон фыдбылызты аххосаг - шофыртæ фæндагмæ лæмбынæг кæй нæ кæсынц, уый. Уымæй уæлдай ма сывæллæттæ дæр сæхæдæг къæрцхъус нæ вæййынц. Инспектортæ сывæллæттæ æмæ сæ ныййарджыты зæрдыл æрлæууын кодтой фæндаджы сæрты раст ахизыны уагæвæрдтæ. Уымæй уæлдай ма сын æмбарын кодтой сабитæ хæдтулгæйы ласгæйæ хъуамæ баст уой æдасдзинады ронæй, уæдæ рухсздахæн нысæнттимæ уæлæдарæсы тыххæй дæр рох кæнын нæ хъæуы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv