Прокуратурæйы кусджытæ ивгъуыд азы куыстæн хатдзæгтæ скодтой

Прокуратурæйы кусджытæ ивгъуыд азы куыстæн хатдзæгтæ скодтой, уыимæ æрдзырдтой фидæны пълæнттыл. Цæгат Ирыстоны прокуратурæйы ацыд сæрмагонд æмбырд. Архайдтой дзы Уæрæсейы Генералон прокуроры хæдивæг Андрей Кикоть æмæ республикæйы сæргълæууæг Битарты Вячеслав. Сæргълæууæг куыд бафиппайдта, афтæмæй кæд алы къабазæн дæр хуымæтæг аз нæ рауад, уæддæр прокуратурæйы кусджытæ социалон-экономикон къабазы бакодтой стыр куыст. Битарты Вячеслав ма куыд бафиппайдта, афтæмæй прокуратурæйы кусджытæ архайдтой, цæмæй национ проекттæ æххæстгонд цæуой афоныл, уыимæ сæ хæрзхъæдзинад зæрдæхсаинаг ма уа. Ивгъуыд азы Цæгат Иррыстон архайдта 46 регионалон проекты, уыдон æххæстгонд хæуынц 11 нацпроекты фæлгæты. Æхцайы фæрæзтæ æдæппæтæй рахай кодтой 10 млрд сомæй фылдæр. Республикæйы хицауадæн профилон кусæндæттимæ бантыст 150 объекты арæзтад æмæ цалцæггæнæн куыстытæ сæххæст кæнын. Республикæйы прокурор Александр Морозов аргъ скодта закъонæвæрынад æмæ барахъахъхъæн къабазы куыстæн. Фæнысан кодта барадон аивдзинад аразгæ у прокурорты куыстæй дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv