Уырыссаг драмон театр байгом кæндзæн йæ 150 æм юбилеон сезон

Евгений Вахтанговы номыл уырыссаг академион драмон театр байгом кæндзæн йæ 150-æм, юбилеон сезон. Аивадуарзджытæн бацæттæ кодтой цымыдисаг программæ. Уалдзæджы карантины аххосæй цы спектаклтæ аргъæвтой, уыдон ныр рæгъмæ рахæсдзысты. Фыццаг равдисдзысты Хъæрджынты Изабеллæйы æвæрд «Двое и море», зæгъгæ, спектакль. Архайдзæн дзы уæрæсейаг актер Георгий Дронов. Уымæй æулдай ма ногæй бакæсыны фадат уыдзæн комеди «Лес»-мæ, криминалон истори «Танго на закате» æмæ æндæртæм. Театры куыд фæнысан кодтой, афтæмæй карантины размæ спектакль феныны бардæттæг билеттæ æлхæд æрцыдысты. Фæлæ адæмæн зæрдæ бавæрдтой, æнæмæнгæй сæ кæй равдисдзысты. 8 сентябры та Евгений Вахтанговы номыл уырыссаг академион драмон театр архайдзæн театр фестиваль «Крымская театральная осень»-ы . Ялтæйы труппæ ахъаздзæн спектакль «А зори здесь тихие». Сценæйы йæ сæвæрдзæн мæскуыйаг режиссер Ольга Левковская. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv