8 улæфæн аппараты æрбаластой Цæгат Ирыстонмæ

8 улæфæн аппараты æрбаластой Цæгат Ирыстонмæ. Уыдонæй æртæ рахай кодта Хуссар ИРыстон, фондз та республикæ райста Уæрæсейы базарад æмæ промышленносты министрады уынаффæмæ гæсгæ. Уый тыххæй фехъусын кодта Битарты Вячеслав сæрмагонд æмбырды. Хæстæгдæр рæстæг ма республикæ райсдзæн æртæ. Техникæйæ пайда кæндзысты Республикон клиникон æмæ Тагъдæххуысы клиникон рынчындоны дохтыртæ. Специалисттæн уый уыдзæн ахадгæ æххуыс. Æнæниздзинад хъахъхъæныны министр Годжыцаты Тамерланы ныхæстæм гæсгæ, медицинон кусæндæттæ æххæст сты æппæт хъæугæ препараттæй, гамхудтæй æмæ рыны ныхмæ сæрмагонд уæлæдарæсæй. Зæгъæм, Æрæфы районы хуыйæн фабрикæйы хъуамæ бахуыйой 3 мин ахæм костюмы. Тагъд æххуысы медицинон бригадтæ та 6 майæ исын райдайдзысты уæлдæргонд фиддонтæ. Мызд исыны уавæрмæ хъæудзæн бæстонæй кæсын, фæнысан кодта Битарты Вячеслав. Республикæйы сæргълæууæг бахæс кодта, куы хъæуа уæд, районты медицинон кусджыты уыцы куыстыл бафтауын. Ковид-вирусæй рынчынты нымæц республикæйы фылдæр кæй кæны, уымæ гæсгæ хъæуы саразын æппæт хъæугæ уавæртæ, цæмæй алы адæймаджы бон дæр уа медицинон æххуыс райсын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv