Ильда Кучуберия, "Ушнеиуа унеи!.."

Ажәақәа: Миха Лакрба. Амузыка: Ильда Қәычбериаԥҳа. Аранжировка: Ҭемыр Агрба, Анри Гәымба. Абжьы аус адулара: Анри Гәымба. Актиорцәа: Ҭемраз Чамагәуа, Алхас Шамба. Аоператорцәа: Лилиан Маршьан, Валери Кәакәасқьыр, Алхас Џьапуа. Аидеа автор, арежиссиор: Дырмит Габалиа. Апродиусер, арежиссиор: Алхас Џьапуа. Аԥсуа музыкатә леибл Назареҭ. Ацхырааразы иҭабуп ҳәа раҳҳәоит Дырмит Гәлиа иҩны-амузеи аусзуҩцәа, Аԥсуа ҳәынҭқарратә телехәаԥшра, иара убас Асида Малыиаԥҳа, Нарсоу Абыхәба, Алиас Абыхәба. ____________________________________ Раҧхьатәи аҧсуа шәҟәы аҭыҵра ашьҭахь, жәҩан лыҧхала аҧсуаа ирылиааз Дырмит Гәлиа днаҧхьаны, анхаҩыжәлар злахәыз ачара уны, жәлар рҵеи диқәныҳәеит Џьгьардатәи анхаҩы Ҳабыџь Ашәба. 1919 ш. Д. Гәлиа изкны ашәҟәыҩҩы Миха Лакырба иаҧиҵеит зеиӷьыҟам ажәеинраала: "Ушнеиуа унеи!.." Ажьыраныҳәа 12, 2024 ш. амузыкаҧҵаҩ, ашәаҳәаҩ Ильда Қәычбериаҧҳа - "Назареҭ" астудиаҿы амузыка ҩны, ари ажәеинраала ашәаны иаҧылҵеит. Лаҵарамза 21 азы, Аҧсуа драматә театр асценаҿы амҳаџьыраа ргәаларшәара иазкыз ахәылҧаз аҟны раҧхьаӡакәны ашәа налыгӡеит. Абҵарамза 4 рзы, апродиусер Алхас Џьапуа, Д. Гәлиа ихьӡ-иҧша иазку ашәа азы зеиҧш ыҟам аклип аҧҵара аус хиркәшеит. Адырҩаҽны уи ӡырганы идырбан, иагьақәныҳәеит - Д. Гәлиа имемориалтә ҩны амузеи аусзуҩцәа. Абас ала, аҧсуа жәлар Рылашара Ду - Дырмит Гәлиа ишьҭамҭеи иҭынхеи рышҟа абзиабара ижәлар рҿы - лыҧха-гәыҧхала аҽарҿыцуеит, ҿыц аиҭеира иаҿуп. Миха Лакырба иажәеинраала: "Ушнеиуа унеи!.. ашәаны аҭаҩреи, уи азы аклип аҭыхреи аидеиа итәуп Дырмит Габалиа. Ахарџьқәа ахахьы иагеит О. Беигуаа ихьӡ зху аҳәаанырцәтәи аҧсуаа рҭоурых амузеи.