5-æм скъолайы уагъд æрцыд мадзал Фæскомцæдисон организацийы сырæзтыл 105 азы сыххæсты боны цытæн.

Цхинвалы 5-æм скъолайы уагъд æрцыд цытджын мадзал Фæскомцæдисон организацийы сырæзтыл 105 азы сыххæсты боны цытæн. Уым æрымысыдысты фæскомцæдисонты, кæцытæ архайдтой ацы фæсивæдон организацийы рæнхъыты, абон нал сты не ‘хсæн æмæ сын æрымысыдысты сæ рухс нæмттæ. Скъоладзаутæн радзырдтой цы у фæскомцæдисон организации, йæ бынат нæ ивгъуыды æмæ фæскомцæдисонты кадджын хъуыддæгтыл. Æрæмбырдуæвджыты раз ралæууыдысты скъолайы ахуыргæнинæгтæ дæр. 5-æм скъолайы ныр дæр ис хорз традици - ахуыргæнинæгты ногдзауты æмæ фæскомцæдисонты рæнхъытæм райсын. Абоны фæлтæрæн, 21-æм æнусы сывæллæттæн, ацы мадзал уыд цымыдисон.