Фыдыбæстæйы хъахъхъæнæджы боны кадæн «Иугонд Уæрæсе»-йы минæвæрттæ бацархайдтой æппæтуæрæсеон акцийы

Фыдыбæстæ хъахъхъæнæджы боны кадæн парти «Иугонд Уæрæсе»-йы депутаттæ, фæсивæды минæвæрттимæ æмæ æхсæнадон организациты уæнгтимæ бацархайдтой æппæтуæрæсеон акци «Защитим память героев»-ы. Мадзал архайджытæ хастой дидинджытæ Фыдыбæстæйы стыр хæсты цыртдзæвæнтæм. Минут æдзæмæй алæугæйæ, æрымысыдысты, нæ бæстæйы сабырдзинадæн йæ цард чи нæ бавгъау кодта, уыдоны ном. Акцийы фæлгæты ма бабæрæг кодтой ветеранты. Архайджыты ныхæстæм гæсгæ, Фыдыбæстæ хъахъхъæнæджы бон зынаргъ бæрæгбон у æрмæст нæлгоймæгтæн нæ, фæлæ Ирыстоны æппæт адæмæн дæр, нæ зæххыл цы сабырдзинад ис, уымæн йæ аргъ чи зоны, уыдонӕн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv