Зæйты ныхмæ галерей Транскамы бындуронæй сцалцæг кæндзысты

Федералон фæндæгты управлени «Кавказ»-æй куыд фехъусын кодтой, афтæмæй захъайаг зæйты ныхмæ галерей Транскамы бындуронæй сцалцæг кæндзысты 2023-æм азмæ. Йæ дæргъ у 827 метры. Цалцæггæнæн куыстытæ ныридæгæн цæуынц. Хъæрджын - Алагир - Дæллаг Зæрæмæджы уылты цы галерей цæуы, уый уавæр специалисттæ банымадтой зæрдæхсаинагыл. Хъæуы дзы сæвæрын ног вентиляцион æмæ видеоцæстдарды системæтæ, рухс, сигнализаци æмæ зынгхуыссынгæнæн системæтæ. Паддзахадон æлхæдтыты бæрæггæнæнтæм гæсгæ бадзырды аргъ уыдзæн 1 млрд 960 милуан сомы. Уыдонæй 692 милуан сомы рахай кæндзысты ацы аз, 2021-æм азы та 620 млн сомæй фылдæр. 2022 азы 648 милуан сомы бæрц. Транскам у Хуссар æмæ Цæгат Ирыстон иугæнæг фæндаг. Фæндагæй пайда кæнын райдыдтой 1984 азы. Æрвылаз боныхъæды аххосæй фæкусы къуылымпытимæ. Арæхдæр зымæгон, ома, митуарды фæстæ зæйтæ рацæуынæй тæссаг куы вæййы, уæд. Зæгъдзыстæм ма уый, æмæ зæйты ныхмæ арæзт Захъайаг галерей сарæзтой 2002 азы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv