РЦИ-А хъæууон хæдзарады рæзтыл Тускъаты Таймураз кусгæ фембæлды æрныхас кодта профилон министр

Уымæй уæлдай ма, Тусъкаты Таймураз фембæлд хъæууон хæдзарад æмæ хойраджы министр Уазиты Хъазыбегимæ. Æрныхас кодтой Цæгат Ирыстоны агропромышленон комплексы фарстатæ æмæ къабазы райрæзтыл 2021 азы. Премьер стыр аргъ скодта ведомствæйы куыстæн æмæ фæнысан кодта хъæууон хæдзарадон продукци зынгæ кæй фæфылдæр, уый. Къабазы райрæзтмæ гæсгæ Уæрæсейы регионты 'хсæн ахсы 7-æм бынат. Фæфылдæр сты агропромышленон комплексмæ инвестицитæ. Уазиты Хъазыбеджы ныхæстæм гæсгæ, ведомствæ æххæст кæны дыууæ паддзахадон программæйы. Хъæуты райрæзты програмæйы руаджы 2020 азы цæрæнуæтты уавæртæ фæхуыздæр кæнынæн социалон фиддонтæ райстой 36 адæймаджы. Программæйы хæстæй иу у хъæуты инженерон æмæ инфраструктурон ифтонгад. 2017 азæй 2020 азмæ бантыст республикæйы 6 хъæуы саразын дондзæуæн системæты 100 километрæй фылдæр. Хъæууон хæдзарады рæзты бæрæггæнæнтæ дæлдæр цæмæй ма кæной, уымæн дихгонд æрцæудзысты гранттæ æмæ субсидитæ. Рахай сæ кæндзысты Уæрæсейы хицауады фæстауæрцгæнæн фондæй. Фембæлды ма фæбæрæг кодтой, æхсыры куысты рæзт дæр. Къабаз къуылымпытимæ æмбæлы арæх паддзахадæй æххуыс цы хуызы райсæн ис, кооперацийыл куыд бакусæн ис, уый фермертæ кæй нæ фæзонынц, уый аххосæй. Фарста хуыздæрырдæ раивынæн 2021 азы сараздзысты ахуырадон семинартæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv