Арвыкомы фæндагыл чи лæууы, уыцы шофыртæн хъæугæ æххуыс

Арвыкомы фæндаджы байгоммæ цы шофыртæ æнхъæлмæ кæсынц, уыдонæн æнæнхъæлæджы уавæрты регионалон разамынды тыхтæй сарæзтой тæвд хæринаг æмæ хъармгæнæн пункттæ, стæй хи ныхсынæн уавæртæ. Гуырдзыстоны цалынмæ боныхъæд нæ фæхуыздæр уа, уæдмæ шофырты хъæуы фæндагыл лæууын. Арæныл ахизыны фадат сын нæй. Шофыртæн ахæм хуызы æххуыс хъæугæ у, ирвæзынгæнджытæй сты бузныг. Ныртæккæ Уæллаг Ларсы ис 400 уæзласæн хæдтулгæйы. Хи ныхсынæн сæрмагонд пункт байгом Беслæнæй Дзæуджыхъæумæ фæндаджы хайыл. Ныридæгæн уал дзы спайда кодтой 50 адæймаджы бæрц. Мобилон пункты ис 2 тоннæйы дон. Куы бахъæуа, уæд æнæнхъæлæджы уавæрты министрады службæтæ доны бæрц баххæст кæндзысты. Ногирмæ 'ввахс фæндаджы хайыл та йæ куыст кæны мобилон хæрæндон. Ис дзы райсæн тæвд хæринаг æмæ цай. Дард чи лæууы, уыцы шофыртæм дæр хæринаг хæццæ кæндзысты сæрмагонд къордтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv