Хъæдгæроны сывæллæтты рæвдауæндоны бæстыхай у бындуронæй цалцæггæнинаг

Хъæдгæроны рæвдауæндоны бæстыхаймæ 50 азæй фылдæр бæстонæй ничи базылд. Азæй-азмæ йæ уавæр заууатмæ цæуы. Цар тæдзы, рудзгуыты фылдæр хай - ивинаг. Æрвылаз æм рæвдауæндоны кусджытæ районы администрацийы æххуысæй бампъызтытæ кæнынц, фæлæ уый фаг нæу. Ахæм уавæрты сæ сæ комкоммæ хæстæ рох не сты: сабиты хъомыладыл дæр зæрдиагæй кусынц. Ис сæм полилинвгалон къордтæ. Суанг ма, ирон æвзаджы музей дæр сарæзтой. Æнхъæлмæ кæсныц æрмæст сæ уавæрты фæхуыздæрмæ. Бураты Розæ ма скъоладзау уыди, Хъæдгæроны рæвдауæндон аразын куы райдыдтой, уæд. Ныр 50 азы дæргъы сылгоймаг архайы сабитæн хæрзад хæринаг кæныныл. Фæлæ сæ уавæртæ сты фæкæсинаг. Нæй сæм ног кусæнгæрзтæ æмæ мигæнæнтæ. Хъæдгæроны рæвдауæндоны бæстыхайыл 50 азæй фылдæр цæуы. Уыцы рæстæгмæ йæ бæстонæй никуы сцалцæг кодтой. Фæлæ кусджыты хъæппæрисæй йæ уаттæ сты сыгъдæг. Алы аз дæр районы администрацийы æххуысæй бæстыхаймæ базилынц. Кæм чъырæй сцæгъдынц, кæм та истытæ ацахорынц. Фæлæ рæстæджы ныхмæ сæ бон тох кæнын нæу. Бæстыхай азæй-азмæ заууатмæ цæуы. Рудзгуытæ сын цалдæр бантыст раивын. Фæлæ рæвдауæндоны сæры уавæрмæ сæ зæрдæ `хсайы. Зæронд сты йæ пъолтæ дæр. Уæвгæ свæллæтты хъомыладыл сæ уавæртæ уыйас бæрæг дæр нæ дарынц. Ныртæккæ Хъæдгæроны рæвдауæндоны ис 100 сабийæ фылдæр. Дих сты 6 къордыл. 2 дзы сты полилингвалон. Кусынц семæ куыд иронау, афтæ уырыссагау дæр. Æфтауынц сæ ирон культурæйыл дæр. Суанг ма дзы сæрмагонд уат дæр ис. Ивгъуыд азы рæвдауæндонæн районы администраци бацæттæ кодта гæххæтытæ. Цалцæггæнæн куыстытæ бакæнын сын ныр хъуамæ бантыса. Гæххæтытæн æмбæлгæ иртæстытæ дæр сарæзтой. Хæстæгдæр рæстæг уал районы администраци рæвдауæндон сифтонг кæндзæн ног сынтæджытæ æмæ оргтехникæйæ. Кусджытæ фидæны æнхъæлмæ кæсдзысты бындурон цалцæгмæ дæр. Афтæмæй сæ уавæртæ æмæ сæ авналæнтæ фæуæрæхдæр уыдзысты. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv