Республикæйы хъæууон хæдзарад æмæ хойраджы министрад гранты хуызы æххуысæн гæххæттытæ исын райдыдта

Республикæйы хъæууон хæдзарад æмæ хойраджы министрад гранты хуызы æххуысæн гæххæттытæ исын райдыдта. 9-æм æй 15 мартъимæ бинонтӕ цы фермæтæ дарынц, уыдонӕн, 22-æм æй 29-æм мартъимæ та агростартапы гранттæ. Фермæтæн федералон æмæ регионалон бюджеттæй рахай кæндзысты 116 милуан сомы, агростартапæн та 124 милуан сомы. Ацы аз баххуыс кӕндзысты 50 хæдзарадӕн. Конкурсы къамисы уæнгтæ сты 30. Се 'хсæн æхсæнадон организацитæ, парламенты депутаттæ, бынæттон хиуынаффæйады сæргълæуджытæ. Ацы аз куы нæ нымайæм, уæд 2018-æмæй 2020-æммæ бирæтæн баххуыс кодтам. Гранттæ райстой 207 адæймаджы. Уый æртæ азмæ. Се 'хсæн, хъæууон хæдзарадмæ фыццаг хатт чи аздæхта йе `ргом, ахæмтæ. Номхыгъды сты, проект «Агростартап»-мæ гæсгæ чи райста гранттæ, уыдон дæр. 2019 азы æхцайæ æххуыс лӕвӕрдтой æрмæст республикон бюджетæй. Бæлвырддæр дзургæйæ, хъæрмуæттæн æмæ кæсагдарæн куыстæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv