Тускъаты Таймураз фембæлд Къубалты Эльбрусимæ

Культурæ æмæ аивады къабæзты раззагдæр программæтæ куыд æххæстгонд цæуынц, ууыл æрныхас кодтой Цæгат Ирыстоны хицауады сæрдар Тускъаты Таймураз æмæ дзуаппдæттæг министр Къубалты Эльбрус. Фембæлд ацыд видеобастдзинады руаджы. Ивгъуыд азы регионы театртæ бацæттæ кодтой 13 премьерæйы. Равдыстой сæ районты дæр. Театртæ уыдысты гастрольты, архайдтой регионты 'хсæн æмæ æппæтуæрæсеон фестивальты. Сæ арæхстдзинадæн сын æппынæдзух кодтой стыр аргъ. Къубалты Эльбрус фæнысан кодта, театрты сфæлдыстадон репертуар фæхъæздыгдæр кæныныл куыст цæуы æнæрлæугæйæ. Аивадуарзджытæ ногæй фендзысты ирон драматургты зындгонд пьесæтæ. Уæдæ дунейы классикон уацмыстæ дæр театрдзауты рæгъмæ рахæсдзысты. Иутæ дзы цæгатирыстойнаг режиссертæ сæвæрдзысты Уæрæсейы иннæ регионты режиссертимæ. Тускъаты Таймураз бахæс кодта республикæйы хæдахуыр адæмон театртæм уæлдай æргом аздахын. Уымæй уæлдай ма æрныхас кодтой Евгений Вахтанговы номыл уырыссаг академион театры 150-азы юбилейыл. Уый фæдыл республикæйы цæттæ кæнынц егъау программæ. Равдыстытæ, спектакльтæ, литературон изæртæ æмæ цымыдисаг премьерæтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv