Футболон командæ «Щит Осетии» сси республикæйы уæлахиздзау

Футболон командæ «Щит Осетии» сси республикæйы уæлахиздзау. Финалы хъæзтытæ ацыдысты Дзæуджыхъæуы. Кæронбæттæны фембæлдысты Хъæдгæроны командæимæ. Таймы райдианӕй уыдон пурти сæхи бакодтой, фæлæ дыккаг хай куы райдыдта, уæд сын æй «Щит Осетии» байста. Уæлахиз цы гол æрхаста, уый бакъуырдта Хъесаты Константин. Рамбылдтой 2:1 хыгъдимæ. Сезоны лауреатты дæр сбæрæг кодтой. Хуыздæр дуаргæс - Уалыты Аслан «Щит Осетии» къорды хъазæг. Хуыздæр хъахъхъæнæг - Хынцæгты Виталий «Хъæдгæрон» командæйæ. Æрдæгхъахъæнджыты 'хсӕн æнтыстджындæр разынд Хъесаты Константин. Форвард та Козаты Эльбрус, уый у командæ «Ног Фæлтæр»-ы архайæг. Футболæй хуыздæр хъазæг сси Гуыдиаты Сослан, «Щит Осетии»-йы хъахъхъæнæг. Чемпионаты архайджытæн аргъ кодтой «Алания-Дзæуджыхъæу»-ы тренертæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv