Национ наукон чиныгдоны стæм чингуыты фонды хъахъхъæд цæуынц 28 мин чиныджы

Æнусæй фылдæр адæмæн зонындзинæдтæ æмæ рухс хæссы Национ наукон чиныгдон. Фæсивæдæн ацы бынат у уарзон. 30 азæй фылдæр та дзы кусы стæм чингуыты фонд. Цымыдисаг чингуытæ, æмбал кæмæн нæй ахæм æрмæджытæ. Ацы тæрхæджытыл ис, æмбал кæмæн нæй, ахæм 28 мин чиныджы. Бирæтыл æнусы ’рдæгæй фылдæр цæуы. Куыд æмбæлы, афтæ сæм зилынц. Стæм экземпляртæ хъахъхъæнынц сæрмагонд домæнтæм гæсгæ. Рагон æмæ стæм чингуытæ та сæвæрынц сæрмагонд контейнерты, ома, сæм уæлдæф æппындæр куыд нæ хæццæ кæна, афтæ. Æдæппæттæй контейнертæ сты сæдæмæ 'ввахс. Ахæм чингытæн ис сæхи хыгъд. Нæ республикæйы стæм чингуыты фонды хайадæн æмбал нæй. Чингуыты ’хсæн - 17 æнусы уагъд æрмæджытæ дæр. Зæгъæм, Романовты бинонты фыстытæ, уæды заманы культурæ, наукæ æмæ литературæйы кусджыты царды рæстæджы уагъд чингуыты. Ис ма дзы, ирон æвзагыл æппæты фыццаг 1798 азы Мæскуыйы цы чиныг рауагътой, уый дæр. Нæ республикæйы наукон библиотекæйы стæм чингуыты фонды хайад фæзынд 30 азы размæ. Бындур ын сæвæрдта Варвара Шредерс. Ныртæккæ фонды кусы 4 специалисты. Ардæм æрбацæуын у алкæй бон дæр. Фæлæ дзы ис сæрмагонд фæтк. Фонд архайы «Нымæцон культура», зæгъгæ, федералон проекты. Чингуытæ иууылдæр ивд сты нымæцон хуызмæ. Ис сæ фенæн библиотекæйы сæрмагонд порталы. Пелиты Сæбинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv