Пяточисленные молитвы

На Твой Пресвятый образ взирая, яко воистину истинную Тя Богородицу, любовию сердечною и верою от души покланяюся и величаю с Предвечным на руку Твоею держимым Младенцем, Господом нашим Иисусом Христом, боголепно почитаю и молю Тя со слезами: Покрый мя покровом Твоим от враг видимых и невидимых. Ты бо род человеческий ввела еси в Царство Небесное. Аминь. Ангел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба и ме́ртвыя воздви́гнувый; лю́дие, весели́теся! Свети́ся, свети́ся, но́вый Иерусали́ме, сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́.