Халықты әлеуметтік қорғау саласындағы арнаулы әлеуметтік қызметтерді лицензиялау

2025 жылдың 1 қаңтарынан бастап Қазақстанда халықты әлеуметтік қорғау саласындағы арнаулы әлеуметтік қызметтерді лицензиялау енгізілді. Бұл жаңашылдық қызмет көрсету сапасын жақсартуға және бұзушылықтар санын азайтуға мүмкіндік береді. Лицензия алу үшін санитарлық нормалар мен өрт қауіпсіздігі ережелеріне сәйкес келетін кеңсе, жабдықтар мен қызметкерлер, сондай-ақ мүгедектер үшін қолжетімділікті қамтамасыз ететін қолайлы жағдай болуы қажет. Лицензия алуға өтінішті Әлеуметтік қызметтер порталы (aleumet.egov.kz) арқылы беруге болады.