Уæрæсейы хицауад баххуыс кæндзæн хъæууон хæдзарады къабазы

Уæрæсейы хицауады сæрдар Михаил Мишустин фæсидт æнæмæнг хъæугæ продуктты æргътæн сæ рохтыл æрхæцын. Уый тыххæй бабар кодта саразын æппæт хъæугæ мадзæлттæ. Премьеры ныхæстæм гæсгæ, хойрæгты æргътæм хъæуы хъус æрдарын, фæлхасгæнджыты бартæ бахъахъхъæнынæн. Михаил Мишустин фæнысан кодта, хицауад кæй сарæзта æппæт фадæттæ дæр, дунейы ахадындзинад Уæрæсейы базарадыл фæкъаддæр кæнынæн. Фæлæ, уæддæр уавæр сæ хуыздæртæй нæу. Премьер фæбæрæг кодта, хъæууон хæдзарады къабазы хи бафæлварын чи сфæнд кæна, уыдонæн паддзахад цæттæ кæй у баххуыс кæнынмæ. Фидæны аз кусын райдайдзæн нымæцон платформæ. Йæ сæйраг нысан - амалхъомадимæ комкоммæ бастдзинад. Уыимæ ма, хæстæгдæр рæстæг кусын райдайдзæн нымæцон сервис. Уæд хъæууон хæдзарады кусджытæн фæуыдзæн паддзахадон æххуыс электрон хуызы райсыны фадат. Афтæмæй фæрæзтæ уыдзæн райсæн цыбырдæр рæстæгмæ, стæй сæ уæлдай хæрдзтæ фæкъаддæр кæнæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv