Сергей Меняйло амыдта Цæгат Ирыстоны промышленнон продукцийы æнæзакъон зилдухы ныхмæ къамисы æмбырд

Цæгат Ирыстоны иуæй-иу медицинон хостæ бæрæг кæндзысты сæрмагонд нысæнттæй. Уый тыххæй ныхас кодтой регионы промышленнон продукцийы æнæзакъон зилдухы ныхмæ къамисы æмбырды. Сæрдариуæг дзы кодта Сергей Меняйло. Æнæниздзинад хъахъхъæныны къабазмæ цæстдарды федералон службæйы территориалон хайады разамонæг Ольга Давыдова фæбæрæг кодта, юридикон бæрнондзинад кæмæ ис æмæ амалхъом адæмæй хостимæ чи кусы, уыдон æмбæлгæ информаци кæй хъуамæ хæццæ кæной сæрмагонд системæмæ. Уый у сæйраг лицензион домæн фармацевтон æмæ медицинон куысты. 1-æм июнмæ федералон информацион системæ «Маркировка»-йы Цæгат Ирыстонæй сæхи фæнысан кодтой 512 архайæджы. 246 дзы кæнынц медицинон куыст. 266 та - фармацевтон. Дзуапдæттæг министрады бæрны цы куыстуæттæ сты, уыдон се 'ппæт дæр системæйы сты. Ольга Давыдовайы ныхæстæм гæсгæ, къуылымпытæ фæзыны, медицинон куыст сæ сæйраг архайд кæмæн нæу, уыцы куыстуæтты. Зæгъæм, УЗИ æмæ консультативон кабинеттæ. Домæнтæ чи не `ххæст кæны, уыдоныл байгом кодтой административон хъуыддæгтæ. Сты тæрхондоны. Æрлæууын кæнын бахъуыд 84 фармацевтон æмæ 25 медицинон организацийы куыст. Сергей Меняйло бадомдта, системæйы нысангонд чи нæу ныртæккæ, уыдонæн хъуамæ кусынæн бардæттæг гæххæттытæ ма дæттой. Республикæйы разамонæг ма бахæс кодта барадхалджыты административон æгъдауæй бафхæрыны куыст дæр бакæнын. Къамисы уынаффæ æнæмæнг хъуамæ æххæстгонд цæуа. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv