Æппæтуæрæсеон адæмон фронты активисттæ сбæрæг кодтой Горæтгæрон районы фелсырон акушерон пункттæ

Цæгат Ирыстоны районты аразынц фелсырон-акушерон пункттæ. Ныртæккæ куыстытæ кæронмæ фæхæццæ кæнынц Алханчурты. Михайловскæйы та фелсырон пунк у цæттæ æмæ рынчынтæн ныридæгæн кæнынц æмбæлгæ медицинон æххуыс. Бæстыхайы ис дæндæгты дохтыры уат, терапевт, сылгоймæгты низтæ дзæбæхгæнæн хайад. Цæуын йæ бон кæмæн нæу, уыцы рынчынтæн дзы сæвæрдтой пандус. Амбулаторийы иу бонмæ æххуыс райсыны фадат уыдзæн 100 адæймагæн. Ног фелсырон-акушерон пункт ма фæзындзæн Донгæроны дæр. Æппæтуæрæсеон адæмон фронты активисттæ æдзухдæр сæ цæст дарынц социалон объектты арæзтадмæ, уыимæ чи байгом - уыдонмæ дæр. Исты фиппаинæгтæ сæм куы фæзыны, уæд сæрмагонд гæххæттытæ саразынц. Уый фæстæ сæ арвитынц бæрнон оргæнтæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv