Цæгат Ирыстоны Сырх Чиныг 20 азмæ фыццаг хатт сног кæндзысты

Цæгат Ирыстоны Сырх Чиныг 20 азмæ фыццаг хатт сног кæндзысты нæ республикæйы æрдзон æвæрæнты æмæ экологийы министрады æххуысæй. 1999 азæй фæстæмæ чиныгыл иу хатт дæр нæ бакуыстой. Сырх чиныгмæ хаст сты стæм æмæ фесæфынæй тас кæмæн у, ахæм цæрæгойтæ, зайæгойтæ æмæ зокъотæ, ома, æрдзы хъæбысы чи цæры æмæ сæрмагонд паддзахадон-барадон хуызы цæстæнгасæй цух чи`ййафы, уыдон. Специалисттæ ацы хъуыддагыл кусын райдыдтой. Тагъд рæстæг сараздзысты экспертты къамис æмæ чиныг сног кæнынæн кусæг къорд. Уый фæстæ та райдайдзысты наукон-иртасæн куыстытæ. Мониторинг кæндзысты Цæгат Ирыстоны Паддзахадон Æрдзон Фæдзæхст бынæтты наукон кусджытæ æмæ Хетæгкаты Къостайы номыл университеты ахуыргæнджытæ. Куыстыты фыццаг къæпхæн райдайдзæн 2021 азы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv