Республикон пульмонологон центры сæвæрдтой ног медицион ифтонггæрзтæ

Æрæджы дæр ма Пульмонологон центры дохтыртæ хъуыды дæр нæ акодтаиккой, тагъд рæстæджы ахæм ифтонггæрзтæй кæй архайдзысты. Ног, нырыккон, сæйрагдæр та — æдас. Ацы рентген-аппарат, зæгъæм, уымæй хицæн кæны, æмæ йын йæ тынтæ саразæн ис æрмæст бæлвырд буары хаймæ. Пульмонологон центры уыцы иу рæстæг дзæбæх кæнæн ис 110 адæймаджы. Алы пациенты дæр дзæбæх кæнынц сæрмагонд, хицæн методикæмæ гæсгæ. Раздæры мигæнæнтимæ ахæм фадат нæ уыд. Рæуджыты низ арæх фæбӕрӕг вæййы зæрдæ æмæ тугдадзинтыл. Ныр-иу ӕй рагацау рабæрæг кæндзысты. Годжыцаты Таймуразмæ астмæ ис ныр 30 азæй фылдæр. Реабилитацион центрмæ фыццаг хатт æрбацыд 2 азы размæ. Иннæ ног аппарат — бодиплетизмограф. Æнæкъуылымпыйæ бæрæг кæны, адæймагæн улæфт цас тынг нæ фаг кæны, уый. Æдæппæтæй æрбаластой медицинон техникæйы 14 хуызы 30 милуан сомæн. Ныр центрæн ис ног гæнæнтæ. Цалдӕр азы фæстæ суыдзæн Пульмонологийы наукон-иртасæн институты филиал. Фæлæ уый тыххæй хъæуы æнцонвадат уавæртæ аразын куыд пациенттæн, афтæ кусджытæн дæр. Центр фæнд кæнынц рацаразын æмæ ма иу корпус самайын. Уый фæнысан кодта республикæйы сæргълæууæг президент Владимир Путинимæ фембæлды рæстæг.  Федералон центр проектон-хыгъдон гæххæттытыл бакусынæн рахай кодта 20 милуан сомæй фылдæр. Куыстытæ райдайдзысты иннæ аз. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv