Дзæуджыхъæуы Тельманы номыл уынджы бирæуæладзыгон хæдзар эксплуатацийы ратдзысты сентябры

Кæлæддзаг бæстыхайы ныхмæ ног, райдзаст бирæуæладзыгон хæдзар. Федералон программæ «Сейсмика»-йы фæлгæты дыууæ азмæ Дзæуджыхъæуы Тельманы номыл уынджы сарæзтой, 8-9 баллы зæххæнкъуыстæн чи бафæраздзæн, ахæм хæдзар. 50 фатеримæ 5 уæладзыгон хæдзар. 2019 азæй нырмæ Тельманы номыл уынджы цы хæдзар арæзтой, уый лæвæрд æрцæудзæн сентябры. Пъланмæ гæсгæ æппæт куыстытæ хъуамæ æххæстгонд æрцыдаиккой ацы азы декабры. Фæлæ зæрдæргъæвд кусджыты фæрцы хæдзар сцæттæ уыдзæн афонæй раздæр. Хæдзары ис 3 подъезды. Ныридæгæн уал фесты хæдзары сæр, электрон тыхы системæ, монтаж æмæ мидæггаг куыстытæ. Уыимæ ма архайынц хæдзары алфамбылæйттæ саив кæныныл. Цалцæггæнæн куыстытæ цыдысты сæрмагонд федералон программæйы фæлгæты. Цæрæн хæдзар дзуапп дæтты æппæт нырыккон домæнтæн, нымад у боныхъæды ивддзинæдты ныхмæ фидар æмæ цæрджытæн æдас. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv