16-æм январы хъæуы сæргълæуæджы равзардзысты Дур-Дур æмæ Мичурины хъæуы

Дур-Дур æмæ Мичурины хъæуты равзардзысты хъæуты сæргълæуджыты. Схъæлæс кæнæн уыдзæн 16-æм январы. Уый тыххæй фехъусын кодта республикæйы центрон æвзарæн къамисы сæрдар Моргуаты Жаннæ. Куыд фæнысан кодта, афтæмæй æмгъуыдæй разæр æвзæрстытæ снысан кодтой, Дур-Дуры хъæуы хицауы Дыгуры районы муниципалон сконды сæргъы кæй ныллæууыд, уый тыххæй. Мичурины хъæуы хицау та фарон йæ куысты бынат барвæндонæй ныууагъта. Æвзæрстыты бацархайыны фадат ис 3 мин адæймагæн. 16-æм январы хъæуы хицауы хъуамæ равзæрстаиккой Бæрæгъуыны дæр, фæлæ хъæлæс кæныны бон аивтой 20-æм мартъимæ. Æртæ кандидатæй дыууæйæ кампанийы архайыны фæнд аивтой. Моргуаты Жаннæйы ныхæстæм гæсгæ, æвзæрстыты фылдæр хай ацæудзæн хъæлæс кæныны иумæйаг бон — 11-æм сентябры. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv