Кобесты Черменыл сæмбæлдысты Мæскуыйы

Параолимпаг хъæзтыты архайджытæн кад скодтой Мæскуыйы, Сырх фæзы. Уæлахиздзаутимæ не 'мзæххон Кобесты Чермен дæр. Спортсмен Токиойы параолимпаг хъæзтыты бронзæ майдан райста 400 метры згъорынæй. Командæйы архайджыты раластой аэропортæй тырысатимæ æмæ нæ бæстæйы гимны зæлтимæ æрзылдысты Мæскуыйы сæйраг уынгтыл. Сырх фæзы та ма Кобесты Черменмæ æнхъæлмæ кастысты Цæгат Ирыстоны делегацийы уæнгтæ дæр. Бæстæйы президенты цур республикæйы æххæстбарджын миæвары хæдивæг Гулаты Хъамболат, Цæгат Ирыстоны минæварады æмæ Мæскуыйы ирон æхсæнады Советы минæвæрттæ бузныг загътой Кобесты Черменæн, стыр хæрзиуæг кæй рамбылдта Параолимпаг хъæзтыты, уый тыххæй. Ног æнтыстытæ ма куыд бафта йæ къухы, уый фæдыл ын стыр арфæ ракодтой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv