Дыууæ мин æмæ 'рдæгмæ 'ввахс бюджетон бынаты радих кодтой республикæйы уæлдæр ахуырадон кусæндæттæн. Уый тыххæй фехъусын кодта Сергей Меняйло. Йæ ныхæстæм гæсгæ, лæвар бынæттæ къаддæр кæныны иумæйаг фæтк, гæнæн ис, æмæ сахадыдтаид нæ республикæйыл дæр. Фæлæ фарста афойнадыл бантыстис аиуварс кæнын ахуырады министр Валерий Фальковы æххуысæй. Абон Цæгат Ирыстоны нæ фаг кæнынц анестезиологтæ-реаниматологтæ, зæхкусджытæ, ветеринартæ, инженертæ æмæ туризмы къабазы специалисттæ. Уымæ гæсгæ, бюджетон бынæттæ дих кæныны хъуыддаг у ахсджиаг æмæ бæрнон. Цæмæй фылдæр кæной хъæугæ профессионалтæй.