Хуссар Ирыстоны коронавирусæй рынчынтæ иууылдæр сдзæбæх сты

Хуссар Ирыстоны та коронавирусæй иунæг рынчын дæр нал ис. Республикæйы Фæлхасгæнджытæм цæстарды службæ куыд хъусын кæны, афтæмæй рынчынтæ сдзæбæх сты. Пандемийы рæстæг коронавирусæн скодтой 5 мин тестæй фылдæр. COVID-19 разынд 90 адæймагмæ. Ныртæккæ карантины ис 60 адæймаджы. Ивгъуыд къуырийы рынчындонæй рафыстой, коронавирус цы пациентмæ разынд, уый дæр. Пандемийы райдианæй нырмæ Хуссар Ирыстоны скодтой 5 117 иртасæнæй фылдæр. Сæйраг санитарон дохтыры хæдивæг Гаглойты Аннæ куыд бафиппайдта, афтæмæй 5-æм сентябры скодтой 89 тесты æмæ дзы коронавирус иуы дæр нæ рабæрæг. Хуссар Ирыстоны арæныл дарддæр æххæст кæнынц карантины домæнтæ. Хииппæрддзинады фæтк нæ дарыц æрмæстдæр коронавирусæй чи сдзæбæх, уыдон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv