Цæгат Ирыстоны фæлхасгæнджытæм цæстдарды управленийы æвæстиатон бастдзинады номыр

Ацы сахатмæ, 4 адæймаджы рынчын сты коронавирусæй Цæгат Ирыстоны. Ивгъуыд бонмæ сæм бафтыд ноджы 2. Æмбæлгæ медицинон æххуыс сын кæнынц, дохтыртæ сæм лæмбынæгæй сæ цæст дарынц. Ныртæккæ сæ уавæр у хуыздæр хъуаг. Рынчынтæм хæстæг чи æмбæлыд æмæ семæ ныхас чи кодта, уыдонмæ дæр хъус дарынц. Цæгат Ирыстоны фæлхасгæнджытæм цæстдарды управленийы хъусынгæнинагмæ гæсгæ, ныртæккæ медицинон уагдоны карантины дарынц 11 адæймаджы. Коронавирус кæм ис, ахæм бæстæтæй чи ссыд æмæ медицинон æркаст кæмæ цæуы, ахæмты нымæц у 548 адæймаджы. Уыдонæй 552 карантинæй систой. Инфекцийы æмæ вирусы миниуджытæ сæхиуыл не`нкъарынц. Уымæй уæлдай ма, коронавирусæй иртæстытæ аразынц Республикон Клиникон Рынчындоны иу пациентæн. Бæрæггæнæнтæ арвыстой Мæскуыйы центрмæ æмæ йæ хатдзæгтæм æнхъæлмæ кæсынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv