Цæгат Ирыстоны кусы, йе `нæниздзинад хъыгдæрд кæмæн у, уыцы сывæллæтты театралон студи

Цæгат Ирыстоны кусы, йе `нæниздзинад хъыгдæрд кæмæн у, уыцы сывæллæтты театралон студи. Бынат кæны реабилитацион центр «Алани»-йы. Проект сæххæст кодтой президенты гранты фæрцы. Студийы архайы 20 сывæллоны. Æвæрынц спектакль «Ацæмæзы уадындз». Равдыстой йæ Уырыссыг академион театры. Аивадуарджыты зæрдæмæ уæлдай тыгдæр фæцыд. Цæмæй, уый бызадта не сфæлдыстадон къорд. Хинæйдзаг Сырдон Ацæмæзы уадындз Лешийæн радта. Уый бафтыд Митын Ӕхсинмӕ æмæ дзы уый та фæлитой митæ кæнын райдыдта. Спектаклы сæйраг сурæттæ раргом кодтой, йе 'нæниздзинад хъыгдæрд кæмæн у, ахӕм сывæллæтты театралон студийы æмæ фольклорон кафты ансамбль «Æртхурон»-ы архайджытæ иумæ. Равдыстмæ сæхи цæттæ кодтой 6 мæйы бæрц. Сæвæрдта йæ Пагæты Фатимæ. Рауад цымыдисаг. Сывӕллӕттӕ базонгӕ сты Нарты кадджыты хъайтартимӕ: Ацæмæз, Уырызмæг, Сырдон, Къулбадæг ус. Режиссер спектаклы хъæздыгдзинад нæ фехӕлдта, афтӕмӕй йæм бахаста ивддзинæдтæ. Æрыгон архайджыты сайрагдæр бæллиц у - адæмон артисттæ суæвын. Сæхиуыл кусынц. Æнтыстдзинæдтæ дæр сын ис. Йе `нæниздзинад хъыгдæрд кæмæн у, уыцы сывæллæтты театралон студи байгом кодта реабилитацион центр «Алани». Центры цы дæсны ахуыргæнджытæ кусы, уыдон æнæвгъауæй сæ зонындзинæдтæ лæвар кæнынц кæстæртæн. Сæ сæйрагдæр хæсыл нымайынц сывæллæтты барæвдауын. Саразын сын æппæт фадæттæ дӕр, цæмæй сæхи хорз æнкъарой. Æмæ сын æнтысгæ дæр кæны. Президенты грант кæй рамбылдтой, уый фæрцы сарæзтой ацы проект. Студийы архайы 50 сывæллонæй фылдæр. Равдысты архайджытæ 12-æй уыдысты реабилитацион центр «Алани»-йы театралон студийы артисттæ. Цæуы сыл 12 азæй 20 азы онг. Спектакль фенынмӕ Уырыссаг академион театрмæ бирæ адæм æрбацыд. Се `хсæн - хæдзар-интернат "Узæлд"-ы директор Хъæцмæзты Фатимæ. Куыд фæнысан кодта, афтæмæй йæ зæрдæмæ æввахс айста, цы арф хъуыды дзы ис, уый. Хъæцмæзты Фатимæ, хæдзар-интернат «Забота»-йы директор: «Спектаклæн йæ райдианæй кæронмæ мæ зæрдæ кодта рухс. Цы ма ис уымæй хуыздæр, фæлтæрдджын артисттæ æмæ музыкантты æххуысæй, йе`нæниздзинад хъыгдæрд кæмæн у, уыцы сывæллæттæ ахæм театры сценæйыл спектаклыл куы бакусой, уӕд. Раст профессионалон артистты хуызæн хорз бацархайдтой. Бæрæг у, стыр куыст кæй бакодтой семæ, уый. Мах хæдзар-интернаты дæр инклюзивон театр ис, æмæ мæм абон фæзынди иумæйаг спектаклыл бакусыны хЬуыды. Мæнмæ гæсгæ, ахæм мадзæлттæ ахсджиаг сты». Реабилитацион центр «Алани»-йы театралон студийæн ацы равдыст фыццаг нæу, раздæр дæр архайдтой Нарты кадджытæй скъуыддзæгтæ æвæрыныл. Сæ зæрды ис ног спектакльтыл кусын дæр. Аивадæн йæ тых æгæрон у, æмæ, кæд ацы спектакль адæмы зæрдæтӕм бахъара, йæ сæйраг мидис ын кӕд бамбарой, уæд уый актертæн уыдзæн æппæтæй стырдæр хæрзиуæг. Уазиты Зæлинæ, Дзæдзойты Фатимæ, Битъиты Давид. Ирыстоны хабæрттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv