Дзæуджыхъæуы байгом сæрмагонд химикон биологон кълас

Дзæуджыхъæуы 27-æм скъолайы кусын райдтыдтой сæрмагонд кълæстæ. Сæ фæрцы сывæллæттæн сæ бон у бæстондæрæй математикæ, хими æмæ биологи ахуыр кæнын. Дзæгъойты Тамерлан фæнд кæны палеонтолог суæвын. Уымæ гæсгæ уæлæмхасæн ахуыртæм цæуы зæрдæрайгæйæ. Дзæгъойты Тамерлан сабийæ нырмæ уарзы биологи. Лæмбынæг æй ахуыр кæны. Суанг ма йæхи ютюб канал дæр сарæзта. Ныридæгæн дзы ис 5 мин бафыссæджы. Сайт у æрмæстдæр ахуырадмæ здæхт. Тамерланы бæллиц у палеонтолог суæвын. Беслæны скъолайæ рацыд Дзæуджыхъæуы 27-æм скъоламæ. Ахуыр кæны сæрмагонд химикон-биологон къласы. Ацы кълас байгом кодтой афæдз размæ. Бæстонæй ацы предмет ахуыр кодтой 7-æм къласæй. Ацы аз ма ноджыдæр байгом кодтой иу ахæм кълас. Интенсивон курс ахуырдзаутæ цæуынц математикæйæ дæр. Сæрмагонд дæсныдзинад райстой ахуыргæнджытæ сæхæдæг дæр. Хъантемыраты Заретæ, Цæгат Ирыстоны республикон институты кафедрæйы разамонæг: «Ацы ахуыртæ фылдæр вæййынц урокты фæстæ. Уæлдай æнгом бастдзинад дарæм нæ республикæйы уæлдæр ахуыргæнæндæттимæ. Уыдоны æхсæн - медицинон академи, аграрон университет æмæ Цæгат Ирыстоны паддзахадон университет». Пъланмæ гæсгæ ма хъуамæ кълас сифтонг кæной нырыккон кусæнгæрзтæй. Ахуыртæ фæцæуынц фæсурокты рæстæг. Æмæ сын уый тыххæй арæзт сты æппæт фадæттæ. Хъантемыраты Заретæ, Цæгат Ирыстоны республикон институты кафедрæйы разамонæг: «Ацы азæй фæстæмæ снысан скодтам сывæллæттæн лæвар хъарм хæринаг. Сæ бон у ныр сæ хæдзармæ куыстытæ скъолайы æххæст кæнын æртæ сахаты онг. Сабитæн кæрæдзиимæ ис хæлар ахастдзинæдтæ». Ахæм кълас ис Дзæуджыхъæуы нырма æрмæстдæр 27-æм скъолайы. Æртæ ма дзы кусынц Алагиры, Æрыдоны æмæ Горæтгæрон районты. Бындурон зонындзинæдтæ райсынмæ бирæтæ тырнынц, уымæ гæсгæ алчидæр хъуамæ ацæуа æвзарæн къæпхæн. Айларты Эмилия _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv