РЦИ Аланийы хицауады сæрдар Тускъаты Таймураз ныхас кодта Лæгкуты Омаримæ

Хицауады сæрдар Тускъаты Таймураз видеобастдзинады фæрцы ныхас кодта Æрæфы районы бынæттон администрацийы сæргълæууæг Лæгкуты Омаримæ. Премьер фæнысан кодта, районы социалон-экономикон къабаз кæй рæзы, уый. 2019 азы хатдзæгтæм гæсгæ, Æрæфы район банымадтой хуыздæр муниципалитетыл. Лæгкуты Омар радзырдта, районы цы куыст цæуы æмæ йæ размæ цы хæслæвæрдтæ æвæрд ис, уый тыххæй. 2020 азы «Ахуырад»ы нацпроекты фæлгæты районы байгом кодтой нымæцон гуманитарон профильтæ «Точка роста», зæгъгæ. Æхсæз рæвдауæндоны кусын райдыдтой полилингвалон ахуырады бындурыл, скъолаты райдиан кълæсты ахуырдзаутæн дæттынц тæвд хæринаг. Быдыры Дæргъæвсы, Сечеры, Толдзгуны æмæ Хæзныдоны скъолаты хæрæндæтты кусæнгæрзтæ та ногтæй раивтой. Сцалцæг ма кодтой æмæ рацарæзтой фæндæгты 17 уадздзаджы. Фарон ноябры Æрæфы район республикæйы хицауадимæ бафыста сæрмагонд бардзырд. Уымæ гæсгæ промышленность, хъæууон-хæдзарад æмæ туристон къабазы рæзтæн хъуамæ фæзына ног фадæттæ. Тускъаты Таймуразы ныхæстæм гæсгæ ахæм æууæлтæ аразын хъæуы республикæйы иннæ районты дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv