Проектон офисы æмбырды æрныхас кодтой раззагдæр программæты райрæзтыл

Цæгат Ирыстоны фæндаггон лæггæдты рæзтыл бакусын. Проектон офисы æмбырды æрныхас кодтой раззагдæр программæ куыд æххæстгонд цæуы, ууыл. Республикæйы сараздзысты æнæ къуылымпытæй базарад æмæ логистикæйы кластер. Битарты Вячеслав бахæс кодта уæлдай æргом инвестортимæ куыстмæ аздахын. Æнæкъуылымпытæй базарад æмæ логистикæйы кластер саразын у Цæгат Ирыстоны раззагдæр программæтæй иу. Проекты концепци æмæ логистикон инфраструктурæ цы картæмæ гæсгæ арæзт цæудзысты, уый ныридæгæн у цæттæ. Сбæрæг кодтой объектты бынæттæ. Уыдзысты Уæллаг Ларсæй Кæсæг-Балхъары арæны онг. Къуылымпытæ гæнæн ис æмæ сæвзæрой æрлæууæны бахизæны æмæ рахизæны. Уымæн æмæ зæхх у федералон трассæйы был. Битарты Вячеслав бахæс кодта фæндаггон комитетæн фарстайыл бакусын. Стæй ма инвестортимæ архайдмæ фылдæр æргом аздахын. Æмæ сбæрæг кæнын, кластер саразынæн цы бынæттæ снысан кодтой, уыдон искæй дæлбар сты, æви нæ, уый. Горæтгæрон районы кæм фæнд кæнынц объекттæ саразын уыцы зæхх у Росавтодоры бæрны. Хаццоны раттын кæнæ дзы коммерцион куыст кæныны фадат нæй. Фарста райхалæн ис, фæндаггон лæггæдты объекттæ æрлæууæнæй 35 метры дарддæр саразгæйæ. Ныхас ма цыд логистикон инфраструктурæйы объекттæн иу хуыз снысан кæныны æркастыл. Фæндаггон картæ арæзт у. Эксизты проект æмæ конкурс саразынæн бахъæудзæн 360 мин сомы. Бакусдзысты йыл æхсæнадон архайджытимæ иумæ. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv