Мин уæзласæн хæдтулгæйæ фылдæр æрæмбырд Уæрæсе æмæ Гурдзыстоны 'хсæн арæныл. Æрæджы Транскам байгом кодтой хæдтулгæты æппæт хуызтæн дæр. Арвыкомы фæндаг нырма у æхгæд. Шофыртæ æмæ бæлццæттæн ис хъæугæ æххуыс. Æнæнхъæлæджы уавæрты министрады республикон управленийы кусджытæ Арвыкомы фæндагыл байгом кодтой хъармгæнæн пункт. Алагиры районы снысан кодтой уæлдæр цæттæдзинады фæтк. Хæххон районты тæссаг у миты зæйтæ рацæуынæй, уардзæн мит.