Дзæуджыхъæ уы уыд республикæйы хицауыды æмбырд
Цæгат Ирыстоны райрæзты агентады директоры хæстæ рæстæгмæ æххæст кæндзæн Атайты Мæдинæ. Уый тыххæй абон фехъусын кодтой хицауады æмбырды. Йæ куысты бынат ныууагъта Цæгат Ирыстоны экономикон рæзты министры хæдивæг Дзоблаты Зураб. 13 июлы куыстадон бадзырды æмгъуыд кæронмæ кæй фæвæййы, уымæ гæсгæ йæ бынат ныууадздзæн финансон цæстдарды службæйы разамонæджы хæдивæг Æлбегонты Артур. Кадрон ивддзинæдтæй уæлдай хицауады уæнгтæ дзырдтой трамвайты ДЕПО фæстæмæ Дзæуджыхъæуы бæрны бакæныныл. Регионы разамынд исбон æмæ зæххыты ахастдзинæдты министрæн бабар кодта къуырийы кæронмæ бацæттæ кæнын æмбæлгæ хуызы арæзт юридикон домæнты гæххæт. Сæйраг Парчы цы æрдæгарæзт бирæуæладзыг ис, уыимæ баст фарстайыл дæр хъæудзæн бакусын. Уымæй уæлдай Дзæуджыхъæуы сæйраг фæлладуадзæн бынаты фæзындзæн 5 ног бæлæгъы. Цæрджыты æдасдзинадæн дзы рад хæсдзысты æнæнхъæлæджы цауты министрады кусджытæ. Уыдзæн дзы сæрдыгон кафе, йæ æргътæм та кæсдзысты администрацийы кусджытæ. Æмбырд кæронмæ ахæццæ кодта хицауады сæрдары хæстæ рæстæгмæ æххæстгæнæг Тускъаты Таймураз. Дзырдтой, нацпроекттæ æмæ паддзахадон программæтæ куыд æххæстгонд цæуынц, ууыл. Уымæй уæлдай ма уынаффæ рахастой 70 милан сомы рахай кæнын медицинон кусджыты фæлладуадзæн фиддонтæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv