Цæгат Ирыстоны аварион службæтæ цæттæдзинадыл дзырдтой хицауады хæдзары

Цæгат Ирыстоны цы тыхджын къæвдатæ рацыд, уыдоны фæстиуджытæ аиуварс кæныныл дзырдтой Хицауады хæдзары. Республикæйы аварион службæтæ хъуамæ уой цæттæ, цы зындзинæдтæ сæвзæры сæ размæ, уыдонмæ. Æнæнхъæлæджы цауты рæстæг адæмæн хъуамæ афойнадыл баххуыс кæной. Уый тыххæй Цæгат Ирыстоны сæргълæууæджы хæстæ рæстæгмæ æххæстгæнæг загъта аппаратон æмбырды рæстæг. Тыхджын дымгæ æнæ электрон тыхæй ныууагъта Кировы æмæ Мæздæджы районы хъæутæ дæр. Уæдæ Æрæфы районы Быдыры Дæргъæвс дæр æрдзон фыдбылызы фæстиуджытæ æххæстæй банкъардта. Дымгæ ныппырх кодта бæстыхæйтты сæртæ, электрон тых æмæ газы хæтæлтæ атыдтой æрдзон фыдбылызы аххосæй. Нуазыны донимæ къуылымпыдзинæдтæ æййафынц Мæздæджы районы Хурыхъæуы цæрджытæ. Сергей Меняйло бабар кодта коммуналон службæты куыст банывыл кæнын æвзæр боныхъæды фæстиуджытæ аиуварс кæныны хъуыддаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv