Цæгат Ирыстоны социалон экономикон райрæзтыл æрдзырдтой республикæйы сæргълæууæг Битарты Вячеслав

Цæгат Ирыстоны социалон-экономикон райрæзтыл æрдзырдтой республикæйы сæргълæууæг Битарты Вячеслав æмæ вице-премьер Марат Хуснуллин. Битарты Вячеслав куыд бафиппайдта, афтæмæй республикæйы хицауад архайы, цæрæнбынæттæ æлхæнджытæй сайды чи бацыди, уыдонæн баххуыс кæныныл. Фæстаг дыууæ азы инвесторты хардзæй эксплуатацийы радтой цалдæр объекты. Фæлæ фарста аиуварс кæнынæн хъæуы бæстондæрæй бакусын. Уымæ гæсгæ Дзæуджыхъæуы 15-æм æмæ 18-æм микрорайонты цалдæр объекты арæзтадæн æххуысмæ бахатыд. Марат Хуснуллин ныфс бавæрдта, ацы фарста аиуварс кæнынæн регионмæ кæй фæкæсдзысты, уымӕй. Фембæлды рæстæг ма ныхас кодтой Беслæны социалон æмæ коммуналон инфраструктурæйы фарстатыл. Битарты Вячеслав фæсид, цæмæй ацы мадзæлттæн дарддæр дæр æххуыс куыд цæуа. Фембæлды ма æргом аздæхтой «Чистая вода», зæгъгæ, программæмæ. Бæлвырддæр æрдзырдтой Алагиры районы дондзæуæн хæтæлты заууат уавæрыл. Вице-премьер дзуаппдæттæг министрадæн бабар кодта ацы аз фарста аиуварс кæнынæн фæрæзтæ рахай кæнын. Битарты Вячеслав ма фæнысан кодта национ проектты райрæзт. «Æдас æмæ хæрзхъæд автомобилон фæндӕгтæ», зæгъгæ, нацпроекты фæлгæты Цæгат Ирыстоны районты сцалцæг кодтой уынгты 113 километры, 103 мин квадратон метры ног асфальт байтыдтой хæдзæртты кæртыты. Марат Хуснуллин куыд бафиппайдта, афтæмæй ивгъуыд аз регион фæндæгты арæзтадæн дихгонд фæрæзтæ схардз кодта, уымæ гæсгæ ацы аз дæр уæлæмхасæн фæрæзтæ, гæнæн ис, æмæ республикæ райса. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv