«Молодёжка ОНФ» архайы «Тележка Добра» зæгъгæ æппæтуæрæсеон акцийы

«Молодёжка ОНФ» архайы «Тележка Добра», зæгъгæ, æппæтуæрæсеон акцийы. Сæрмагонд чыргъæдтæ сæвæрдтой Дзæуджыхъæуы æртæ стыр дуканийы. Кæй фæнды, уыдонæн фадат ис уыцы ран хойрæгтæ ныууадзын. Ахсджиаг у, цæмæй уой, тагъд чи нæ сæфы, ахæм хойрæгтæ. Зæгъæм, макъаронтæ, адджинæгтæ, дыргътæ æмæ халсартæ. Уыдонæй активисттæ скæндзысты хойрæгты чыргъæдтæ æмæ сæ фæхæццæ кæндзысты, фæкæсын кæмæ хъæуы, ахæм адæмæн. Уыцы хыгъдмæ бахаудзысты, Æппæтуæрæсеон адæмон фронты сайты курдиæттæ чи ныууагъта, уыдон. Сæ ныхæстæм гæсгæ, ахæм адæмы нымæц у цалдæр сæдæйæ фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv