Цæгат Ирыстоны рагагъоммæ фæуинаг кæлæддзаг цæрæнбынæттæй цæрджыты ног хæдзæрттæм раивыны программæ

Цæгат Ирыстоны рагагъоммæ фæуд кæны кæлæддзаг цæрæнбынæттæй цæрджыты ног хæдзæрттæм раивыны программæ. Ныхас цæуы 43 хæдзарыл. Уыдон кæлæддзагыл банымадтой 2017-æм азы 1-æм январы агъоммæ. Ног райдзаст фатертæм ныридæгæн раивтой, кæнæ та уый бæрц æхцайы компенсаци райстой 336 бинонтæ. Уый та у 900 адæймагæй фылдæр. Афæдзы кæронмæ программæйы ацы къæпхæн иууылдæр конд æрцæудзæн. Куыстытæ арæзт цæуынц паддзахадон корпораци «Фонд содействия реформированию ЖКХ»-йы æххуысæй. Ацы фондимæ бадзырд кæй бафыстой, уый 'руаджы программæ дæр раздæр сæххæст кæнын бантыст. Кæлæддзаг хæдзæртты фарста æгасæй дæр нæ регионы 5-6 азмæ аиуварс кæнæн ис, республикæйы хъомысæй раст пайда кæнгæйæ. Ахæм нысан æвæры нæ республикæ йæ размæ хæстæгдæр азтæм.