«Город-селу», зæгъгæ, акцийы фæлгæты Архонкæйы стæницæ æмæ Ногиры цæрджытæн радтой хæдзарон мæргътæ

«Горæт-хъæуæн» сæрмагонд акцийы Архонкæйы станицæ æмæ Ногиры цæрджытæн радтой хæдзарон мæргътæ. Акци араззджытæ - Дзæуджыхъæуы æхсæнадон совет æмæ «Миссия Христианского милосердия», зæгъгæ, æхсæнад. Ахæм хуызы æххуыс адæмæн у ахадгæ. Хæдзарон мæргъты нымæц фидæны фæфылдæр уыдзæн. Мадзал аразджытæ куыд зæгъынц, афтæмæй баххуыс кæндзысты 60 бинонтæн. Рамис Алиев ныр къорд азы цæры Архонкæйы стæницæйы. Кæд йæ ацæргæ мадмæ зилы, уæддæр хæдзарон фос дæр дары. Ныр ма йын сыл мæргътæ дæр бафтыд. Ахæм лæвар райсын ын тынг æхсызгон уыд. Суанг ма сын сæрмагонд бынат дæр цæттæ кæны. Акци «Горæт-хъæуæн» сси æрвылазон. Ацы аз арæзт æрццыд Дзæуджыхъæуы æхсæнадон совет æмæ æхсæнад «Миссия Христианского милосердия»-йы хъæппæрисæй. Фыццаджыдæр се ргом аздæхтой бирæсывæллонджын æмæ æххуысцух бинонтæмю Уыимæ ма иунæгæй чи цæры, уыдон мæ дæр сæ хъус дарынц. Акцийы фæлгæты баххуыс кæндзысты 60 бинонтæн. Æдæппæттæй та байуардзысты 600 маргъæй фылдæр. Мадзал аразджыты ныхæстæм гæсгæ, ахæм æххуыс райсын ныры рæстæг пайда хæсдзæн бинонтæн. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv