Ивгъуыд суткæмæ коронавирусæй рынчынтыл бафтыд 55 адæймаджы

Ивгъуыд суткæмæ коронавирусæй рынчынтыл бафтыд 55 адæймаджы. Æдæппæтæй сæ нымæц сси 14 мины æмæ 797. Æнæниздзинад хъахъхъæныны министрады хъусынгæнинагмæ гæсгæ, республикæйы дзæбæхгæнæндæтты ис 623 адæймаджы. Уыдонæй Тагъд Æххуысы Клиникон Рынчындоны 448 COVID-имæ - 161-йæ. Реанимацийы æххуыс хъæуы 39 адæймаджы, аппараты фæрцы улæфынц 10-æй. Республикон Клиникон Рынчындоны та ныртæккæ ис 143 адæймаджы. Коронавирус дзы рабæрæг 104-мæ. Реанимацийы хайады ис 20 рынчыны. Аппараты фæрцы дзы улæфынц 11-æй. Сывæллæтты Республикон Клиникон рынчындоны ис 14 сывæллоны, 5 та сты хистæр кары. COVID дзы рабæрæг 3 сабимæ æмæ 4 хистæрмæ. Профилон министрады хъусынгæнинагмæ гæсгæ ивгъуыд суткæйы низы аххосæй амард 4 адæймаджы. Афтæмæй коронавирусы амæттæгтæ баисты 128. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv