Сергей Меняло фембæлд Уæрæсейы реестры регионалон разамонæг Токаты Хъазыбегимæ

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняло фембæлд Уæрæсейы реестры регионалон разамонæг Токаты Хъазыбегимæ. Æрдзырдтой уагдоны куыстыл. Сæйрагдæр, ныхас цыд хъалонисæн гæнæнтæ цы фæфылдæр кæнид, уыдонимæ баст мадзæлттыл. Се 'ргом аздæхтой кадастрон хыгъды системæйы рæзтмæ æмæ паддзахадон регистрацийы фæткмæ дæр. Цæрджытæн паддзахадон лæггæдтæ фæхуыздæр кæныныл дæр хъæуы бакусын, цæмæй хъæугæ документтæ æмбырд кæнгæйæ адæм къаддæр тыхсой. Æмбырды снысан кодтой сæрмагонд мадзæлтты хыгъд. Размæвæрд хæслæвæрдтыл æмгуыст кæндзысты хицауад, бынæттон хиуынаффæйад æмæ Уæрæсейы реестры кусджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv