РЦИ Аланийы сæргълæууæджы хæстæ рæстæгмæ æххæстгæнæг Сергей Меняйло фембæлд инвестортимæ

Республикæйы сæргълæууæджы хæстæ рæстæгмæ æххæстгæнæг Сергей Меняйлойæн кусæг фембæлд уыд компаниты къорд «ЭЛСИ»-йы бындурæвæрджытæй иу Николаем Агаркин, «КРАФТБАУ ИНВЕСТ»-ы генералон директор Эдуард Ирицян, стæй фæзуæтты æмæ арæзтады проектты комплексон райрæзты эксперттæ Иван Богатов æмæ Андрей Мусатовимæ. Фембæлды архайджытæ ныхас кодтой арæзтадон æрмæджытӕ æмæ конструкциты къабазы райрæзтыл, цæрæнуæтты арæзтад æмæ горæты фæзуæтты нывыл кæныны ногдзинæдтæ арæзтадон куыстмæ 'мхиц кæныныл. Ныхас ма цыд республикæйы фæзуæтты комплексон райрæзтыл дæр. Сергей Меняйлойы ныхæстæм гæсгæ, Цæгат Ирыстон хъæздыг у, арæзтады цæмæй пайда кæнынц, ахæм æрдзон хæзнатæй. Афтæмæй та республикæйы нæй ахæм промышленнон куыстуат, арæзтадон æрмæг чи кæна. Уымæ гæсгæ республикæ цæттæ у æппæт хъуыддӕгтӕм дæр æркæсынмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv