Дæсныйад æвдисæн ахуыртæ сарæзтой РЦИ-Аланийы æрмдæсныйады центры

Ирыстоны æрмдæснытæ сæ фæлтæрддзинад не ‘вгъау кæнынц. Æппынæдзух нæ республикæйы Æрмдæсныйады центры саразынц дæсныйад æвдисæн ахуыртæ. Æдæппæтæй дзы азы райдианæй нырмæ сарæзтой 7. Адæмы ахуыр кæнынц алыхуызон цымыдисаг дзауматæ аразыныл. Нымæтын дзаумæттæ, цыллæ кæлмæрзæнтæ. Ныр та авнæлдтой алдынбыд амонынмæ дæр. 2019-æм азы арæхстджын национ æрмдæсныты бацæттæ кæныны фæнд фæзынд Цæгат Ирыстоны сæргълæууæг Битарты Вячеславмæ. Уæд райдыдта кусын æрмдæсныйады рæзты центр. Ныр æй канд нæхимæ нæ, фæлæ ма сыхаг республикæты дæр базыдтой – туризмы къабазы райрæзтмæ хæссы стыр æвæрæн, республикæйы уазджытæн аразынц экскурситæ дæр. Архайы дзы 83 æрмдæсныйы. Сæ экспонаттæ баст сты нæ рагфыдæлты культурæ æмæ традицитимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv