Сергей Меняйло федта Александр Пушкины номыл нывкæнынадон аивæдты Паддзахадон музейы Цæгат Кавказаг

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло абалц кодта Александр Пушкины номыл нывкæнынадон аивæдты Паддзахадон музейы Цæгат-Кавказаг филиалмæ. Регионы разамонæг федта равдыст «Alanica collection: ПроГород», зæгъгæ. Радзырдтой йын филиалы райрæзты тыххæй. Ахæм музей Цæгат Кавказы у иунæг. Æнтыстджынæй архайынц нырыккон аивады. Филиалы директор Тебиаты Галинæйы ныхæстæм гæсгæ, æрвылаз уæрæхдæр æмæ фидардæр кæнынц аивадон æмæ куыстадон бастдзинадтæ культурон æмæ ахуырадон уагдæттимæ. Уыимæ ма зындзинæдтæ æййафынц бæстыхайы ифтонгадæй. Сергей Меняйло зæрдæ бавæрдта, фарстайыл кæй бакусдзысты. Уыимæ ма загъта, республикæйы кæй хъæуы аразын равдыстадон центртæ, фидæны та иумæйаг Экспоцентр.  _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv